«Բարսելոնան» վերսկսել է իր հետաքրքրությունը «Գալաթասարայի» հարձակվող Վիկտոր Օսիմհենի նկատմամբ։

Mundo Deportivo-ի փոխանցմամբ՝ «Բլաուգրանան» 2024 թվականից ի վեր դիտարկում էր նիգերիացի ֆուտբոլիստին որպես հարձակվող Ռոբերտ Լևանդովսկու հավանական փոխարինող։

Ըստ աղբյուրի՝ ֆուտբոլիստի բարձր գինը կարող է էական խոչընդոտ լինել Օսիմհենի «Բարսելոնա» հնարավոր տեղափոխության համար։ Նշվում է, որ թուրքական ակումբը 26-ամյա ֆուտբոլիստին ձեռք է բերել նախորդ ամռանը 75 միլիոն եվրոյով և չի ցանկանում վաճառել նրան ավելի էժան գնով։

Այս մրցաշրջանում Օսիմհենը մասնակցել է ինը խաղի բոլոր մրցաշարերում՝ խփելով վեց գոլ։ Ֆուտբոլիստի ներկայիս պայմանագիրը ակումբի հետ ուժի մեջ է մինչև 2029 թվականի ամառը։

Transfermarkt-ը ֆուտբոլիստի արժեքը գնահատում է 75 միլիոն եվրո։