«Չելսիի» նախկին մարզիչ Ժոզե Մոուրինյոն շնորհավորել է Էդեն Ազարին։ Բելգիացին ընդգրկվել է Անգլիայի Պրեմիեր լիգայի փառքի սրահում։
«Էդեն, շնորհավորում եմ քեզ Պրեմիեր լիգայի փառքի սրահում ընդգրկվելու կապակցությամբ։ Բոլորը գիտեն, որ դու արժանի ես դրան։ Դու ամենաանհավանական խաղացողներից մեկն էիր, որոնց հետ ես երբևէ աշխատել եմ։ Հիմա, երբ դու Փառքի սրահում ես, քեզ հավերժ կհիշեն։
Եվ, ի դեպ, շատ շնորհակալ եմ, որ օգնեցիր ինձ նվաճել իմ վերջին Պրեմիեր լիգայի տիտղոսը», – Մոուրինյոյի խոսքերն է մեջբերել լիգայի մամուլի ծառայությունը։
Ժոզե Մոուրինյոն ներկայումս մարզում է «Բենֆիկան» իր հայրենի Պորտուգալիայում։ Էդեն Ազարը 32 տարեկանում ավարտել է խաղային կարիերան։
