«Զենիթի» և Իտալիայի հավաքականի նախկին մարզիչ Լուչիանո Սպալետտին կլինի «Յուվենտուսի» նոր գլխավոր մարզիչը։ Այս տեղեկատվությունը տարածել է ինսայդեր Ֆաբրիցիո Ռոմանոն։

Աղբյուրի փոխանցմամբ՝ Լուչիանո Սպալետտին համաձայնել է ստանձնել «Յուվենտուսի» ղեկավարությունը։ Լրագրողը հաղորդում է, որ կողմերը բանավոր համաձայնության են եկել մինչև 2026 թվականի հունիսը նախատեսված պայմանագրի շուրջ՝ այն երկարաձգելու հնարավորությամբ, եթե ակումբը որակավորվի Չեմպիոնների լիգայի համար։