«Թոթենհեմը» և «Բավարիան» լուրջ հետաքրքրություն են դրսևորում «Յուվենտուսի» հարձակվող Դուշան Վլահովիչի նկատմամբ, ով վերջին շրջանում խաղային անկում է ապրում։
Սերբ հարձակվողը այս մրցաշրջանում շարունակում է մնալ թիմի լավագույն ռմբարկուն՝ 11 խաղում խփելով 4 գոլ, սակայն վերջին անգամ նա գոլի հեղինակ է դարձել սեպտեմբերի 16-ին։ «Լացիոյից» 0:1 հաշվով կրած պարտությունից և Իգոր Տուդորի հեռացումից հետո Վլահովիչի իրավիճակը դարձել է ավելի ուշադրության կենտրոնում։
Աղբյուրի տեղեկությամբ՝ Վլահովիչը «կորցրել է այն կախարդանքը», որը միավորում էր նրան ակումբի հետ․ նա այլևս զգալիորեն չի օգնում թիմին և դժվարություն է ստեղծում գլխավոր մարզիչների համար՝ կազմը որոշելիս։
«Թոթենհեմը» և «Բավարիան» դիտարկում են հարձակվողին ձեռք բերելու տարբերակը արդեն այս ձմռանը։ Վլահովիչի պայմանագիրը «Յուվենտուսի» հետ գործում է մինչև 2026 թվականի հունիսը, սակայն ակումբը պատրաստ է քննարկել նրա վաճառքի հնարավորությունը առաջիկա տրանսֆերային պատուհանի ընթացքում։
