«Յուվենտուսի» կիսապաշտպան Մանուել Լոկատելլին կիսվել է թիմի վերջին խաղերում ունեցած դժվարությունների մասին իր մտքերով։
Թուրինյան թիմը բոլոր մրցաշարերում ութ խաղ է անցկացրել առանց հաղթանակի։
Կիրակի օրը «բիանկոներիներն» արտագնա խաղում 1-0 հաշվով պարտություն կրեցին «Լացիոյից», որը նրանց երրորդ անընդմեջ պարտությունն էր։
«Թիմը յուրաքանչյուր մարզման ժամանակ իր ողջ ուժն է տալիս։ Մենք քրտնաջան աշխատում ենք, բայց շարունակում ենք սխալներ թույլ տալ։ Մենք պետք է հասկանանք, թե ինչն է խնդիրը։
Մենք շտապ պետք է բարելավվենք և սկսենք հաղթել խաղերում։ Հատկապես կարևոր է հիմա պահպանել միասնությունն ու համախմբվածությունը՝ դժվարությունները հաղթահարելու համար», – Լոկատելլիի խոսքերն է մեջբերել լրագրող Նիկոլո Շիրան։
«Յուվենտուսը» հոկտեմբերի 29-ին կխաղա «Ուդինեզեի» հետ։
