«Մանչեսթեր Սիթիի» գլխավոր մարզիչ Պեպ Գվարդիոլան խոստովանել է, որ թիմը նախորդ մրցաշրջանում տառապում էր հոգեկան խնդիրներից։
«Չորս անընդմեջ առաջնություններից հետո որոշ խաղացողներ իրենց հարցնում էին. «Լավ, ի՞նչ անել հաջորդը»։ Շատ խաղերում մենք փլուզվում էինք 65-րդ րոպեից հետո։ Խաղացողները հոգեպես և ֆիզիկապես հոգնած էին, հիասթափված, բայց մենք չէինք կարողանում փոխարինել նրանց վնասվածքների մեծ թվի պատճառով։ Մենք ջախջախված և ուժասպառ էինք՝ անցյալի հաջողությունների, վնասվածքների և շատ այլ գործոնների պատճառով», – մամուլի ասուլիսում ասել է Գվարդիոլան։
«Մանչեսթեր Սիթին» ներկայումս Պրեմիեր Լիգայի մրցաշարային աղյուսակում զբաղեցնում է երրորդ տեղը։
