«Նյուքասլի» կիսապաշտպան Սանդրո Տոնալին նոր պայմանագիր է կնքել ակումբի հետ։ Այս մասին հայտնում է The Athletic-ը։
25-ամյա ֆուտբոլիստը «Նյուքասլին» է միացել 2023 թվականի հուլիսին «Միլանից», սակայն հոկտեմբերին որակազրկվել է խաղամոլության համար։ Այնուհետև իտալացին առաջարկել է իր որակազրկման ընթացքում աշխատավարձի կրճատում, ինչը ակումբը ընդունել է։
Աղբյուրի համաձայն՝ «Նյուքասլը» նաև երկարաձգել է ֆուտբոլիստի պայմանագիրը ևս մեկ տարով և ավելացրել է ավտոմատ երկարաձգման կետ ևս մեկ մրցաշրջանով։ Այս տեղեկատվությունը գաղտնի է պահվել և միայն հիմա է հայտնի դարձել։
Տոնալին այս մրցաշրջանում անցկացրել է 10 հանդիպում և կատարել երկու գոլային փոխանցում։
