«Յուվենտուսը», «Միլանը» և «Ատլետիկո Մադրիդը» հետաքրքրված են «Էվերթոնի» հարձակվող Իլիմանե Նդիայեի ծառայություններով, հայտնում է Teamtalk-ը։
Ըստ աղբյուրի՝ 25-ամյա սենեգալցու ծառայություններով հետաքրքրված են նաև «Թոթենհեմը» և «Նյուքասլը»։ Տրանսֆերի առաջարկ կարող է արվել արդեն 2026 թվականի հունվարին, սակայն նրա հետ պայմանագիր կնքելը դժվար կլինի, քանի որ «Էվերթոնը» ցանկանում է պահպանել իր հիմնական ֆուտբոլիստներին։
Անգլիական ակումբը պատրաստ է քննարկել Նդիայեի տրանսֆերը՝ առնվազն 70 միլիոն եվրոյի դիմաց։
2025/26 մրցաշրջանում հարձակվողը խփել է երեք գոլ և կատարել մեկ գոլային փոխանցում 10 խաղում։ Նրա պայմանագիրը նախատեսված է մինչև 2029 թվականի հունիսի 30-ը։
Transfermarkt-ը ֆուտբոլիստի տրանսֆերային արժեքը գնահատում է 35 միլիոն եվրո։
