«Շտուտգարտի» կիսապաշտպան Անջելո Շտիլլերը հետաքրքրում է «Մանչեսթեր Յունայթեդին»։ Այս մասին լրագրող Դենիս Բայերը հայտնել է սոցիալական ցանցերում։
Աղբյուրի համաձայն՝ ակումբը մտադիր է պայքարել 24-ամյա գերմանացու համար ձմեռային տրանսֆերային պատուհանի ժամանակ։ «Շտուտգարտը» իր առաջատար խաղացողին գնահատում է 50 միլիոն եվրո։ Ֆուտբոլիստն ինքը գոհ է գերմանական թիմում իր դիրքից, բայց պատրաստ է դիտարկել Անգլիա տեղափոխվելու հնարավորությունը։
Շտիլլերը այս մրցաշրջանում բոլոր մրցաշարերում մասնակցել է 11 խաղի՝ խփելով մեկ գոլ և կատարելով չորս գոլային փոխանցում։ Կիսապաշտպանի գործող պայմանագիրը «Շտուտգարտի» հետ ուժի մեջ է մինչև 2028 թվականը։
