«Ռեալ Մադրիդը» որոշել է կենտրոնական պաշտպանության իր հիմնական տրանսֆերային նպատակը։
Իսպանական «Marca» թերթի տվյալներով՝ «Քրիսթալ Փելասի» պաշտպան Մարկ Գեհին, ով, ամենայն հավանականությամբ, հաջորդ տարի կհեռանա Լոնդոնից, պարզապես պահեստային տարբերակ է որպես պոտենցիալ ուժեղացում։
Ըստ որոշ տեղեկությունների՝ «Ռեալ Մադրիդի» առաջնահերթությունը «Լիվերպուլի» Իբրահիմա Կոնատեն է։
Սակայն, եթե խաղացողը երկարաձգի իր պայմանագիրը «մերսիսայդցիների» հետ, «Լոս Բլանկոսը» կփորձի գնել Գեհիին։
26-ամյա Կոնատեի գործող պայմանագիրը «Լիվերպուլի» հետ լրանում է հաջորդ ամռանը։ Նրա շուկայական արժեքը, ըստ Transfermarkt-ի, կազմում է 55 միլիոն եվրո։
