«Ռեալ Մադրիդի» և Վինիսիուս Ժունիորի միջև նոր պայմանագրի շուրջ բանակցությունները ձգձգվում են։

Ինչպես հայտնում է Transfer News Live-ը՝ հղում անելով Le Journal du Real-ին, բրազիլացու կողմից տրանսֆերային բոնուսի վերաբերյալ համառ պահանջը խոչընդոտ է դարձել բանակցություններում։ Վինիսիուսը անզիջում է՝ մադրիդյան ակումբի հետ պայմանագիրը երկարաձգելու համար պահանջելով 20 միլիոն եվրո։

Մամուլն ավելի վաղ հաղորդել էր Վինիսիուսի՝ «Ռեալ Մադրիդից» տրանսֆերային բոնուս ստանալու ցանկության մասին։

Հաղորդվում էր, որ «Լոս Բլանկոսի» ղեկավարությունը ֆուտբոլիստի պահանջը տարօրինակ է համարում, քանի որ նման բոնուս սովորաբար վճարվում է ազատ գործակալի կարգավիճակով ձեռք բերված ֆուտբոլիստներին։