Բրազիլացի վինգեր Վինիսիուս Ժունիորի և «Ռեալ Մադրիդի» միջև պայմանագրի երկարաձգման բանակցությունները ձգձգվում են։ Տեղեկություններ կան, որ 25-ամյա բրազիլացին ակումբի հետ բանակցությունների ընթացքում երկու պահանջ է ներկայացրել։
Միևնույն ժամանակ, Defensa Central-ը նշում է, որ «Ռեալ Մադրիդը» և Վինիսիուսը կիսում են նույն դիրքորոշումը՝ նրանք ցանկանում են շարունակել իրենց գործընկերությունը։
«Վինիսիուսը հասկանում է, որ չի գտնի ավելի լավ ակումբ, նույնիսկ եթե ինչ-որ մեկը պատրաստ լինի նրան ավելի բարձր աշխատավարձ առաջարկել։ «Ռեալ Մադրիդի» ղեկավարությունը, իր հերթին, հասկանում է, որ Վինիսիուսին նույն մակարդակի ֆուտբոլիստով փոխարինելը գրեթե անհնար է», – նշվում է հաղորդագրության մեջ։
Վինիսիուս Ժունիորի ներկայիս պայմանագիրը նախատեսված է մինչև 2027 թվականի կեսերը։
