«Ռեալ Մադրիդը», որը հետաքրքրված է «Լիվերպուլի» 26-ամյա կիսապաշտպան Ալեքսիս ՄաքԱլիստերով, սկսել է կասկածի տակ դնել նրա թեկնածությունը՝ ֆուտբոլիստի ընթացիկ մրցաշրջանի վատ մեկնարկից հետո, ըստ Defensa Central-ի։
Ըստ աղբյուրի՝ «Լոս Բլանկոսը» ներկայումս ավելի բարձր է գնահատում Ադամ Ուորթոնին (Քրիստալ Փելաս), Էնցո Ֆերնանդեսին (Չելսի) և Քիս Սմիթին (Ալկմար)։
Ավելին, ՄաքԱլիստերի «Արքայական» ակումբ տեղափոխության հնարավոր խոչընդոտը ֆուտբոլիստի արժեքն է, քանի որ «մերսիսայդցիները» արգենտինացուն գնահատում են 100 միլիոն եվրո։
Ընթացիկ մրցաշրջանում ՄաքԱլիստերը մասնակցել է 9 խաղի բոլոր մրցաշարերում՝ կատարելով մեկ գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ ուժի մեջ է մինչև 2028 թվականի ամառը։
Transfermarkt-ը ֆուտբոլիստի արժեքը գնահատում է 100 միլիոն եվրո։
