Ֆրանսիայի հավաքականի գլխավոր մարզիչ Դիդիե Դեշամը մեկնաբանել է Աշխարհի 2026 թվականի առաջնության որակավորման փուլում Իսլանդիայի հետ ոչ-ոքին (2-2)։
«Մենք շատ լավ վերահսկեցինք խաղը։ Մրցակիցը երկու հարված կատարեց դարպասին և խփեց երկու գոլ։ Ես զայրացած եմ այն բանից, թե ինչպես բաց թողեցինք երկրորդ գոլը։ Մենք բացվեցինք, չափազանց բարձր պաշտպանվեցինք, չնայած նոր էինք գոլ խփել։ Մենք վատ դիրքավորվեցինք։ Հնարավոր է՝ մի փոքր թուլացանք, բայց դա չպետք է մեզ հետ պատահեր։
Առաջին խաղակեսում մենք բավականաչափ նախաձեռնող չէինք. մենք կոշտ էինք։ Երկրորդ խաղակեսում մենք սկսեցինք ավելի ազատ խաղալ, բայց, ցավոք, մենք այդ սխալը թույլ տվեցինք։
Կոնայի դեմ առաջին գոլի համար խախտում կատարվեց Իսլանդիայի կողմից։ Երբեմն մրցավարները, հավանաբար, քնած են։ Կային նաև որոշ կասկածելի որոշումներ մանր խախտումների վերաբերյալ. հնարավոր է՝ այն պատճառով, որ խաղը խաղացվել է այստեղ, մթնոլորտը կարող էր ազդել մրցավարի վրա։ Այդ առաջին գոլը պետք է չեղյալ հայտարարվեր։
Մենք անում ենք ամեն ինչ, որպեսզի հաղթենք խաղերը։ Մրցակիցները բարձր մակարդակի էին, և ինտրիգը մնում է», – Դեշամի խոսքերն է մեջբերում RMC Sport-ը։
