«Բարսելոնան» հրապարակել է թիմի հարձակվող Ֆերան Տորեսի Իսպանիայի հավաքականի կազմում ստացած թեթև վնասվածքի մանրամասները:
Ավելի վաղ Իսպանիայի ֆուտբոլի ֆեդերացիան (RFEF) հայտարարել էր, որ Տորեսը հեռացվել է Իսպանիայի հավաքականի հայտացուցակից՝ հոկտեմբերի 14-ին Բուլղարիայի դեմ կայանալիք 2026 թվականի Աշխարհի առաջնության որակավորման փուլի խաղի համար՝ մկանային անհարմարության պատճառով։
«Բժշկական զննումները հաստատել են, որ Ֆերան Տորեսը ձախ ոտքի ազդրի մկանի վնասվածք ունի, առանց ուղեկցող վնասվածքների։ Ֆուտբոլիստը չի հեռացվել հայտացուցակից և կհետևի բուժման հատուկ ծրագրի», – ասվում է ակումբի տարածված հայտարարության մեջ։
Հոկտեմբերի 11-ին Վրաստանի դեմ 2026 թվականի Աշխարհի առաջնության որակավորման փուլի խաղում Ֆերան Տորեսը խաղացել է ամբողջ 90 րոպեն՝ առանց գոլ խփելու։
