«Մանչեսթեր Յունայթեդը» չի դիտարկի Թոմաս Տուխելին որպես գլխավոր մարզիչ, եթե Ռուբեն Ամորիմը հեռացվի մրցաշրջանի կեսից, հայտնում է The Sun-ը։ Տուխելը Անգլիայի ազգային հավաքականը գլխավորում է հունվարից։

Աղբյուրի համաձայն՝ «Կարմիր սատանաները» մերժել են գերմանացի մարզչի թեկնածությունը, չնայած նրա հետ բանակցություններ են վարել 2024 թվականի ամռանը, երբ ակումբը փնտրում էր Էրիկ տեն Հագի փոխարինող։ «Մանչեսթեր Յունայթեդի» համասեփականատեր Ջիմ Ռատկլիֆը անձամբ հանդիպել է Տուխելի հետ այդ ժամանակահատվածում։

52-ամյա մասնագետի պայմանագիրը Ֆուտբոլի ասոցիացիայի հետ ուժի մեջ է մինչև 2026 թվականի Աշխարհի առաջնության ավարտը։ Չի սպասվում, որ Տուխելը մինչ այդ կհեռանա հավաքականի գլխավոր մարզչի պաշտոնից։