La Gazzetta dello Sport-ի տեղեկություններով՝ «Միլանի» դարպասապահ Մայք Մենյանի ապագան մնում է անորոշ։

Ակումբի և ֆրանսիացի դարպասապահի միջև գործող պայմանագիրը նախատեսված է մինչև 2026 թվականի հուլիսի 1-ը, սակայն նոր համաձայնագրի շուրջ բանակցությունները կարծես կանգ են առել՝ առանց էական առաջընթացի։

Աղբյուրը գրում է, որ Մենյանի ծառայություններով հետաքրքրված է «Յուվենտուսը», որը ձգտում է թիմին ավելացնել փորձառու և հեղինակավոր խաղացողներ՝ ուժեղացնելու կազմը։ Բացի դրանից, ֆրանսիացու նկատմամբ հետաքրքրություն են ցուցաբերել նաև «Չելսին» և «Բավարիան»։

30-ամյա դարպասապահը «Միլանին» միացել է 2021 թվականի հուլիսին և այդ ընթացքում անցկացրած 170 խաղից 64-ում պահպանել է դարպասը անառիկ՝ դառնալով թիմի առանցքային ֆիգուրներից մեկը։