«Լիվերպուլը» շարունակում է ամեն ջանք գործադրել կենտրոնական պաշտպան Մարկ Գուեհիին ձեռք բերելու համար, որի պայմանագիրը «Քրիսթալ Փելասի» հետ լրանում է 2026 թվականի ամռանը։ Այս մասին հայտնում է Sky Sports-ը։
Աղբյուրի համաձայն՝ «Բարսելոնան» նույնպես հետաքրքրված է Անգլիայի հավաքականի ֆուտբոլիստով։ Այնուամենայնիվ, Գուեհին սպասում է, թե արդյոք «Ռեալ Մադրիդը» որևէ քայլ կանի նրան ձեռք բերելու համար։
«Բավարիայի» մարզական տնօրեն Մաքս Էբերլը հետաքրքրություն է հայտնել Գուեհիին ձեռք բերելու հարցում, եթե ակումբը լքի Կիմ Մին Ջեն կամ Դայո Ուպամեկանոն։
Այս մրցաշրջանում Գուեհին մասնակցել է 12 հանդիպման բոլոր մրցաշարերում՝ խփելով մեկ գոլ և կատարելով մեկ գոլային փոխանցում։
