ՊՍԺ-ն հետաքրքրված է «Բարսելոնայի» հարձակվող Լամին Յամալին ձեռք բերելով։

Ինչպես հայտնում է Africa Foot-ը՝ հղում անելով Defensa Central-ին, ֆրանսիական ակումբը պատրաստվում է կատալոնացիներին առաջարկել 230 միլիոն եվրո 18-ամյա ֆուտբոլիստի համար։

Իսպանացի ֆուտբոլիստը այս մրցաշրջանում «Բլաուգրանայի» կազմում անցկացրել է հինգ հանդիպում՝ խփելով երկու գոլ և կատարելով չորս գոլային փոխանցում։

Transfermarkt-ը Յամալի արժեքը գնահատում է 200 միլիոն եվրո։

Ֆուտբոլի պատմության մեջ ամենաթանկ տրանսֆերը Նեյմարի 2017 թվականին «Բարսելոնայից» ՊՍԺ տեղափոխությունն է 222 միլիոն եվրոյով։