«Բարսելոնայի» նախագահ Ժոան Լապորտան դիտարկում է Սուպերլիգայի նախագծից դուրս գալու և «Ռեալ Մադրիդից» իր շահերը ինքնուրույն պաշտպանելու հնարավորությունը, հայտնում է Marca-ն՝ հղում անելով RAC1-ին։
Աղբյուրի համաձայն՝ վերջին ամիսներին «Բարսելոնայի» և Եվրոպական ֆուտբոլային ասոցիացիաների միության (ՈՒԵՖԱ) միջև բանակցությունները բարելավվել են։ «Բարսելոնան» կարծում է, որ ՈւԵՖԱ-ն ճանաչել է ակումբների կողմից իրենց ներկայացված որոշ պահանջներ, և որ այժմ ստեղծվել է համագործակցության ավելի բարենպաստ միջավայր։
Միևնույն ժամանակ, ընդգծվում է, որ «Ռեալ Մադրիդը» չի մտադրվում հրաժարվել Սուպերլիգայի գաղափարից։ «Լոս Բլանկոսի» նախագահ Ֆլորենտինո Պերեսը այս նախագիծը դիտարկում է որպես առաջնահերթություն և այնպիսին, որի միջոցով նա կարող է վերափոխել ֆուտբոլը։
Հիշեցնենք, որ 2021 թվականի ապրիլին մի քանի ակումբների ղեկավարներ պաշտոնապես հաստատեցին իրենց հանձնառությունը Սուպերլիգայի ստեղծմանը։
