«Բարսելոնայի» դարպասապահ Ժոան Գարսիան հաջողությամբ ենթարկվել է ձախ ծնկի մենիսկի արթրոսկոպիկ վիրահատության և արդեն տեղափոխվել է բաժանմունք, հաղորդում է Barsa Universal-ը։
Աղբյուրի համաձայն՝ վիրահատությունն անցել է առանց բարդությունների, և վերականգնման ժամանակահատվածը, ինչպես սպասվում է, կտևի երեքից չորս շաբաթ։ Հետևաբար, Գարսիան կարող է պատրաստ լինել մրցաշրջանի առաջին «Էլ-կլասիկոյին»՝ «Ռեալ Մադրիդի» դեմ, որը կկայանա հոկտեմբերի 26-ին։
24-ամյա դարպասապահը վնասվածք է ստացել Լա Լիգայի 6-րդ տուրի՝ «Օվիեդոյի» դեմ 3-0 հաշվով հաղթանակի ժամանակ։
«Բարսելոնան» Իսպանիայի առաջնության մրցաշարային աղյուսակում 16 միավորով երկրորդն է։ Հաջորդ փուլում կատալոնական ակումբը կընդունի «Ռեալ-Սոսյեդադին»։
