Պրեմիեր Լիգայի 6-րդ տուրում «Մանչեսթեր Յունայթեդը», «Լիվերպուլը» և «Չելսին» պարտություններ կրեցին՝ 1994 թվականի ապրիլից ի վեր առաջին անգամ, երբ երեք թիմերն էլ պարտվել են լիգայի խաղում նույն օրը։ Այս մասին հայտնում է Opta-ն։

Վերջին նման պարտությունից անցել է 31 տարի և 164 օր։ «Կարմիր սատանաները» 1-3 հաշվով պարտվեցին «Բրենտֆորդին» արտագնա խաղում, մինչդեռ գործող չեմպիոնները 1-2 հաշվով պարտվեցին «Քրիսթալ Փելասին»։ «Չելսին» տանը 1-3 հաշվով պարտվեց «Բրայթոնին»։

«Լիվերպուլը» շարունակում է գլխավորել Պրեմիեր Լիգայի մրցաշարային աղյուսակը՝ վեց տուրից հետո վաստակած 15 միավորով, «Չելսին» ութերորդն է՝ ութ միավորով, իսկ «Մանչեսթեր Յունայթեդը» յոթ միավորով 14-րդն է։