Express-ի փոխանցմամբ՝ «Մանչեսթեր Յունայթեդը» պլանավորում է պայմանագիր կնքել «Ատլետիկո Մադրիդի» կիսապաշտպան Քոնոր Գալահերի հետ։

Ըստ աղբյուրի՝ 25-ամյա անգլիացին դիտարկվում է որպես բրազիլացի Կասեմիրոյի փոխարինող, ով, ինչպես սպասվում է, կհեռանա թիմից 2026 թվականի ամռանը։ Գալահերի գործարքը կարող է կազմել մոտ 60 միլիոն եվրո։

Գալահերը «Ատլետիկո Մադրիդում» հանդես է գալիս 2024 թվականի օգոստոսից։ 2025/26 մրցաշրջանում ֆուտբոլիստը խփել է մեկ գոլ ութ խաղում։ Նրա պայմանագիրը նախատեսված է մինչև 2029 թվականի հունիսի 30-ը։

Transfermarkt-ը ֆուտբոլիստի տրանսֆերային արժեքը գնահատում է 40 միլիոն եվրո։