Caught Offside-ի փոխանցմամբ՝ Լա Լիգայի խաղերին նկատվել են «Արսենալի», «Թոթենհեմի», «Նյուքասլի», «Միլանի», «Լայպցիգի» և «Բորուսիա Դորտմունդի» սկաուտներ՝ հետևելով «Ռեալ Մադրիդի» կիսապաշտպան Արդա Գյուլերին։
Աղբյուրի համաձայն՝ «Լոս Բլանկոսը» մտադրություն չունի վաճառել թուրք խաղացողին։ Ակումբը գոհ է նրա առաջընթացից և 20-ամյա խաղացողին դիտարկում է որպես երկարաժամկետ նախագիծ, որը կարող է դառնալ թիմի կենտրոնական դեմքը առաջիկա տարիներին։ Հետևաբար, իսպանական գրանդները դեռևս գին չեն սահմանել Գյուլերի համար։
Գյուլերը «Ռեալ Մադրիդում» հանդես է գալիս 2023 թվականի ամռանից։ Այս մրցաշրջանում կիսապաշտպանը բոլոր մրցաշարերում մասնակցել է 14 խաղի՝ խփելով չորս գոլ և կատարելով հինգ գոլային փոխանցում։
