«Բարսելոնայի» հարձակվող Ռաֆինյա Դիասը համարվում էր «Ոսկե գնդակի» հավակնորդ, սակայն քվեարկության արդյունքում զբաղեցրեց հինգերորդ տեղը։

Բրազիլացին հավաքեց 620 միավոր՝ զիջելով Ուսման Դեմբելեին (1,380), Լամին Յամալին (1,059), Վիտինյային (703) և Մոհամեդ Սալահին (657)։

Սակայն, ըստ L’Equipe-ի, 100 լրագրողներից ոչ մեկը «Բարսելոնայի» 28-ամյա աստղին որպես առաջին չի քվեարկել։ Հարցվածների 73-ը կարծում էին, որ Դեմբելեն ամենաարժանին է «Ոսկե գնդակին», մինչդեռ Յամալը ստացել է առաջին տեղի 11 ձայն, Վիտինյան՝ 6, Սալահը՝ 4, իսկ Հակիմին՝ 3։

Մեկական լրագրող անվանել է Խվիչա Կվարացխելիային, Սքոթ Մաքթոմինային և Կիլիան Մբապպեին։