«Բարսելոնայի» նախագահ Ժոան Լապորտան թարմացրել է իր մեկնաբանությունները Լամին Յամալի «Ոսկե գնդակի» համար պայքարի վերաբերյալ: Ուսման Դեմբելեն երեկ նվաճեց հեղինակավոր մրցանակը, մինչդեռ 18-ամյա Յամալը զբաղեցրեց երկրորդ տեղը:
«Յամալի համար 18 տարեկանում երկրորդ տեղը գրավելը յուրահատուկ բան է: Կարծում եմ, որ նա արժանի է «Ոսկե գնդակին»: Նա այն կհաղթի հաջորդ տարի», – ասել է Լապորտան RAC1-ի եթերում:
Նշենք, որ Յամալը երկուշաբթի օրը Փարիզում դատարկաձեռն չէր: Տաղանդավոր թևայինը անցյալ մրցաշրջանում նվաճեց Կոպայի գավաթը՝ որպես լավագույն երիտասարդ խաղացող: Սա երկրորդ տարին անընդմեջ է, որ Լամինեն նվաճում է այս մրցանակը:
