«Բավարիայի» պաշտպան Դայո Ուպամեկանոն ցանկանում է լքել Բունդեսլիգան և տեղափոխվել Լա Լիգա։
Այս մասին հայտնում է Marca-ն։
Աղբյուրի համաձայն՝ ֆրանսիացի ֆուտբոլիստը ցանկանում է խաղալ «Ռեալ Մադրիդում»։ 26-ամյա պաշտպանի գործակալը սկսել է աշխատել «Արքայական» ակումբ հնարավոր տեղափոխության վրա։
Կենտրոնական պաշտպանը «Բավարիայում» է 2021 թվականի ամռանից։ Նրա ներկայիս պայմանագիրը գերմանական հսկայի հետ լրանում է հաջորդ տարվա հունիսի վերջին։
