«Քրիսթալ Փելասի» կիսապաշտպան Ադամ Ուորթոնը շատ քիչ հավանական է, որ ձմեռային տրանսֆերային պատուհանի ժամանակ լքի ակումբը։ Այս մասին հայտնում է Football Insider-ը։
Աղբյուրի համաձայն՝ «Արծիվները» մտադիր են հունվարին մերժել 21-ամյա կիսապաշտպանի վերաբերյալ բոլոր առաջարկները։ Ըստ լուրերի՝ խաղացողի նկատմամբ մեծ հետաքրքրություն են ցուցաբերում «Լիվերպուլը» և «Ռեալ Մադրիդը»։
Ուորթոնը այս մրցաշրջանում բոլոր մրցաշարերում մասնակցել է յոթ խաղի և կատարել մեկ գոլային փոխանցում։ Ուորթոնի գործող պայմանագիրը «Քրիսթալ Փելասի» հետ ուժի մեջ է մինչև 2029 թվականի ամառը։
