«Մանչեսթեր Սիթիի» պաշտպան Ռուբեն Դիաշը խոսել է Անգլիայի առաջնության 5-րդ տուրի՝ «Արսենալի» հետ առաջիկա խաղի մասին, որը կկայանա այսօր՝ սեպտեմբերի 21-ին և կմեկնարկի Երևանի ժամանակով 19:30-ին:
«Ես իրականում «Արսենալի» մասին չեմ մտածում։ Ես միայն «Մանչեսթեր Սիթիի» մասին եմ մտածում։ Եթե մյուսները խաղերի են դուրս գալիս մրցակցային կամ այլ պատճառով, և դա է նրանց էներգիան տալիս, ապա շարունակեք։ Մենք հավատում ենք մեր գործին։
Մեր թիմը դուրս է գալիս խաղալու մեզ համար, մեր ընտանիքների և երկրպագուների համար։ Այդպես էլ պետք է լինի։ Այդպես ենք մենք հասնում այն ամենին, ինչին հասել ենք։ Մենք հավատում ենք դրան, և մեզ համար ոչինչ ավելի կարևոր չէ, քան գիտակցելը, որ մենք պետք է լինենք մեր լավագույն տարբերակը։ Կարևոր չէ, թե ում հետ ենք խաղում», – Դիաշի խոսքերն է մեջբերում City Xtra-ն:
