Տեղեկություններ են հայտնվել այն գումարի մասին, որը «Մանչեսթեր Սիթին» կարող է պահանջել «Բարսելոնայից» իր հարձակվող Էրլինգ Հոլանդի համար:
Football Insider-ի տվյալներով՝ եթե «Բարսելոնան» իրոք գնի Հոլանդին հաջորդ ամռանը, «Քաղաքայինները» կսահմանեն մոտ 172 միլիոն եվրո: 25-ամյա նորվեգացի հարձակվողը նախկինում երկարաձգել է պայմանագիրը «Մանչեսթեր Սիթիի» հետ մինչև 2034 թվականը:
Այս մրցաշրջանում Հոլանդը մասնակցել է հինգ խաղի բոլոր մրցաշարերում և խփել է վեց գոլ: Հեղինակավոր Transfermarkt պորտալի տվյալներով՝ հարձակվողի արժեքը կազմում է 180 միլիոն եվրո:
