«Բարսելոնայի» մարզական տնօրեն Դեկուն հույս ունի երկարաձգել կիսապաշտպան Ֆրենկի դե Յոնգի պայմանագիրը։
«Մենք բանակցություններ ենք վարում Ֆրենկիի հետ։ Վստահ եմ, որ մենք կհասնենք համաձայնության։ Նա կարևոր ֆուտբոլիստ է մեզ համար։ Կարծում եմ, որ նա երջանիկ է «Բարսելոնայում», և մենք նույնպես գոհ ենք նրանից։ Այնպես որ, չեմ կարծում, որ որևէ խնդիր կլինի», – Դեկուի խոսքերն է մեջբերում AS-ը։
28-ամյա հոլանդացու գործող պայմանագիրը նախատեսված է մինչև 2026 թվականի ամառը։ Այս մրցաշրջանում նա մասնակցել է երեք խաղի բոլոր մրցաշարերում։
