«Բարսելոնայի» անգլիացի հարձակվող Մարկուս Ռեշֆորդը գոհունակություն է հայտնել գլխավոր մարզիչ Հանս-Դիտեր Ֆլիկի նկատմամբ՝ ընդգծելով, որ վերջինս իրեն վստահություն է փոխանցում։ Խոսքը նա ասել է իր առաջին պաշտոնական գոլերից հետո կատալոնական ակումբի կազմում։
Չեմպիոնների լիգայի խմբային փուլի արտագնա խաղում 27-ամյա Ռեշֆորդը դուբլ ձևակերպեց «Նյուքասլի» դարպասը՝ ապահովելով «Բարսելոնայի» հաղթանակը (2:1)։ Սա անգլիացու առաջին հաջողությունն էր թիմում, ուր նա տեղափոխվել էր ամառային տրանսֆերային պատուհանի ընթացքում՝ «Մանչեսթեր Յունայթեդից» վարձակալությամբ՝ հետագա գնման տարբերակով։
Ռեշֆորդը նշել է․ «Զգում եմ այն վստահությունը, որ Ֆլիկը տալիս է ինձ։ Մինչ այստեղ գալը արդեն գիտեի, որ նա բարձրակարգ մարզիչ է, բայց նրա հետ աշխատելը հատկապես հաճելի է»։
Ավելի վաղ հարձակվողը հասցրել էր հանդես գալ Իսպանիայի առաջնության չորս հանդիպումներում՝ գրանցելով մեկ գոլային փոխանցում։
