«Բարսելոնայի» գլխավոր մարզիչ Հանս-Դիտեր Ֆլիկը մեկնաբանել է Չեմպիոնների Լիգայի առաջին տուրում «Նյուքասլի» նկատմամբ տարած 2-1 հաշվով հաղթանակը։
«Մթնոլորտը ֆանտաստիկ էր։ Մենք տեսանք, թե որքան լարված խաղաց «Նյուքասլը»։ Ահա թե ինչ էինք սպասում։ Մենք վստահ էինք և հավատում էինք ինքներս մեզ։
Շատ կարևոր է մրցաշրջանը սկսել երեք միավորով։ Անցյալ մրցաշրջանում մենք պարտվեցինք «Մոնակոյին»։ Դա մեզ օգնում է ավելի ու ավելի լավը դառնալ։
Ռեշֆորդի դուբլ՞։ Մենք միշտ տեսնում ենք, թե ինչպես է նա այդպես խաղում մարզումների ժամանակ, և այսօր էլ տեսանք դա։ Ես ուրախ եմ նրա համար։ Շատ լավ ֆուտբոլիստներ ունենք հարձակման գծում, և նա նրանցից մեկն է։ Ես ուրախ եմ, որ մենք նրան ունենք։ Նա մեզ ավելի շատ տարբերակներ է տալիս։
Այս երկու գոլերը իսկապես կօգնեն Մարկուսին անել հաջորդ քայլը։ Շատ կարևոր է, որ նա վստահ լինի և լավ զգա։ Այս գոլերը աներևակայելի կարևոր են նրա համար հաջորդ փուլերում», – Ֆլիկի խոսքերն է մեջբերում BBC-ն։
