Իտալացի դարպասապահ Ջանլուիջի Դոննարուման խոսել է իր նոր ակումբի մասին։
«Այս ակումբը միշտ հիացրել է ինձ։ Իմ շուրջը ամեն ինչ տպավորիչ է. մարզական կենտրոնը, մարզադաշտը, ամեն ինչ պարզապես ֆանտաստիկ է։ Դուք չեք կարող հասկանալ, թե որ արժեքներն են իրականում կարևոր ակումբի համար, մինչև չտեսնեք դրանք ձեր սեփական աչքերով։
Այստեղի շենքերն ու անձնակազմը հիանալի են, ուստի ես հպարտ եմ այստեղ գտնվելու համար և գոհ եմ իմ ընտրությունից։ Հուսով եմ՝ ակումբում պատմություն կգրեմ և որքան հնարավոր է շատ գավաթներ կհաղթեմ. սա է իմ նպատակը», – Դոննարումայի խոսքերն է մեջբերում ESPN-ը։
Դոննարումման ամառային տրանսֆերային պատուհանի ժամանակ տեղափոխվեց «Մանչեսթեր Սիթի»։ Անցյալ մրցաշրջանում իտալացին ՊՍԺ-ի հետ նվաճեց Ֆրանսիայի չեմպիոնի տիտղոսը, դարձավ Ֆրանսիայի գավաթի և Սուպերգավաթի տիտղոսակիր, նվաճեց Չեմպիոնների Լիգայի գավաթը և հասավ Աշխարհի ակումբային առաջնության եզրափակիչ։
