Ռոբինյո Ժունիորը՝ Բրազիլիայի հավաքականի նախկին հարձակվող Ռոբինյոյի որդին, հետաքրքրություն է առաջացրել եվրոպական ակումբների շրջանում։ 17-ամյա ֆուտբոլիստը հայրենիքում խաղում է «Սանթոսում»։
Լրագրող Լյուիս Սթիլի խոսքով՝ «Լիվերպուլը» հետևում է խոստումնալից բրազիլացու զարգացմանը, որի սկաուտները ներկա են եղել վինգերի մասնակցությամբ մի քանի խաղերի։ Ռոբինյո Ժունիորը երեք անգամ խաղացել է «Սանթոսի» հիմնական թիմում։
Ֆուտբոլիստի նորամուտը բրազիլական Ա Սերիայում տեղի է ունեցել անցյալ ամռանը։ Բրազիլացու ներկայիս պայմանագիրը նախատեսված է մինչև 2027 թվականի գարունը։
