«Ռեդ Բուլ Զալցբուրգի» հարձակվող Կարիմ Կոնատեն գրավել է «Բարսելոնայի» ուշադրությունը։ «Բլաուգրանան» ուսումնասիրում է 37-ամյա Ռոբերտ Լևանդովսկու ապագա փոխարինողի տարբերակները, որի համար ընթացիկ մրցաշրջանը կարող է վերջինը լինել ակումբում։

Ինչպես հայտնում է Transfer News Live-ը՝ հղում անելով Africa Soccer-ին, 21-ամյա Կարիմ Կոնատեն, որը չի խաղացել անցյալ տարվա նոյեմբերից՝ խաչաձև կապանների պատռվածքի պատճառով, հայտնվել է կատալոնական գրանդի ուշադրության կենտրոնում։

Transfermarkt պորտալը երիտասարդ հարձակվողի արժեքը գնահատում է 15 միլիոն եվրո։ Կոտ դ’Իվուարցին «Ռեդ Բուլ Զալցբուրգի» հիմնական թիմի կազմում անցկացրել է 64 հանդիպում՝ խփելով 33 գոլ և կատարելով 11 գոլային փոխանցում։