«Յուվենտուսի» հարձակվող Քենան Յիլդիզը «Բարսելոնայի» ուշադրության կենտրոնում է։ Միևնույն ժամանակ, կատալոնական ակումբի նախագահ Ժոան Լապորտան գիտակցում է, որ 20-ամյա Թուրքիայի հավաքականի խաղացողի հետ պայմանագիր կնքելը հեշտ չի լինի։
«Յուվենտուսը» բարձր է գնահատում Յիլդիզին։ Բանակցությունները սկսելու նվազագույն գինը 80 միլիոն եվրո է։ Այս մասին հաղորդվում է Fichajes պորտալի էջերում։ Միևնույն ժամանակ, նշվում է, որ Քենան Յիլդիզով հետաքրքրվում են նաև Անգլիայի Պրեմիեր լիգայի ակումբները։ Ընդհանուր առմամբ, Քենան Յիլդիզը «Յուվենտուսի» կազմում անցկացրել է 86 խաղ, որոնցում խփել է 16 գոլ և կատարել 13 գոլային փոխանցում։
