Մադրիդի «Ատլետիկոյի» հարձակվող Խուլիան Ալվարեսը մտադիր է կարիերան շարունակել «Բարսելոնայում»։
Այս մասին հայտնում է Fichajes-ը։
Աղբյուրի համաձայն՝ արգենտինացին արդեն տեղեկացրել է իր շրջապատին 2026 թվականի ամռանը «Բարսելոնա» տեղափոխվելու իր ցանկության մասին։
Տրանսֆերի համար ֆուտբոլիստը պատրաստ է ճնշում գործադրել «Ատլետիկոյի» ղեկավարության վրա։
Նշվում է, որ Ալվարեսի ցանկությունը կապված է «Ատլետիկոյի» գլխավոր մարզիչ Դիեգո Սիմեոնեի նոր մարտավարական գաղափարների հետ, որոնք ֆուտբոլիստին դուր չեն գալիս։ Հարձակվողը վստահ է, որ կարող է դառնալ Ռոբերտ Լևանդովսկու փոխարինողը, քանի որ կատալոնացիները չեն պատրաստվում երկարաձգել պայմանագիրը լեհի հետ ընթացիկ մրցաշրջանի ավարտից հետո։
Այս մրցաշրջանում 25-ամյա Ալվարեսը մասնակցել է Իսպանիայի առաջնության երեք խաղի և խփել մեկ գոլ:
