«Ինտերը» հետաքրքրություն է ցուցաբերում «Լիոնի» հարձակվող Մալիկ Ֆոֆանայի նկատմամբ, ով համարվում է «Ատալանտայի» հարձակվող Ադեմոլա Լուկմանի հավանական փոխարինող, որի հետ «ներաձուրիները» չկարողացան պայմանագիր կնքել անցյալ ամռանը։ Այս մասին հայտնում է Tuttosport-ը։
Աղբյուրի համաձայն՝ իտալական գրանդը ուսումնասիրում է 20-ամյա ֆուտբոլիստին հունվարին գնելու տարբերակը։
Ֆոֆանան «Լիոնի» կազմում հանդես է գալիս 2024 թվականի հունվարից։ Անցյալ մրցաշրջանում ֆուտբոլիստը մասնակցել է 41 խաղի բոլոր մրցաշարերում, որոնցում խփել է 11 գոլ և կատարել վեց գոլային փոխանցում։
Ֆուտբոլիստի ներկայիս աշխատանքային պայմանագիրը ակումբի հետ ուժի մեջ է մինչև 2028 թվականի ամառը։
