«Բարսելոնայի» հարձակվող Ռոբերտ Լևանդովսկին կարող է լքել ակումբը 2025/26 մրցաշրջանի ավարտից հետո, հայտնում է Sport.es-ը։
37-ամյա լեհի պայմանագիրը նախատեսված է մինչև 2026 թվականի հունիսի 30-ը, և կողմերը չեն պլանավորում այն երկարաձգել։ Կատալոնական ակումբի մարզական տնօրեն Դեկուն Լևանդովսկուն չի դիտարկում որպես թիմի կենտրոնական հարձակվող հաջորդ մրցաշրջանում։
Նաև նշվում է, որ «Բարսելոնան» արդեն պատրաստել է ֆուտբոլիստին փոխարինող հարձակվողների ցուցակը։ Այն ներառում է Ալեքսանդր Իսակին (Լիվերպուլ), Խուլիան Ալվարեսին (Ատլետիկո) և Էրլինգ Հալանդին (Մանչեսթեր Սիթի), սակայն նրանցից ոչ մեկը դեռևս հասանելի չէ «Բլաուգրանային» ֆինանսական դժվարությունների պատճառով։
