«Բարսելոնայի» հարձակվող Լամին Յամալը նշել է, որ չի ցանկացել խլել Անսու Ֆատիի 10 համարի մարզաշապիկը։ Անցյալ միջմրցաշրջանային խաղում Ֆատին վարձավճարով տեղափոխվեց «Մոնակո»՝ ազատելով 10 համարը։
Ինչպես և սպասվում էր, «Բարսան» լեգենդար համարը տվեց 18-ամյա Յամալին։
«Ես չէի ուզում խլել Ֆատիի խաղահամարը, նա իմ մտերիմ ընկերն է։ Ես որևէ ճնշում չէի զգում, բայց նախընտրում էի, որ ամեն ինչ իր հունով ընթանա», – կատալոնական գրանդի երիտասարդ աստղի խոսքերն է մեջբերում իսպանական լրատվամիջոցները։
Հիշեցնենք, որ Անսու Ֆատին «Բարսելոնայում» 10 համարը ստացել է Լիոնել Մեսսիից, ով լքել է ակումբը 2021 թվականին։
