«Ռեալ Մադրիդի» եզրային պաշտպան Դանիել Կարվախալը պատմել է, թե ինչ է փոխվել թիմում այն բանից հետո, երբ Խաբի Ալոնսոն փոխարինեց Կառլո Անչելոտտիին իսպանական ակումբի մարզչի պաշտոնում:
«Յուրաքանչյուր մարզիչ ունի իր մեթոդաբանությունը, սրանք տարբեր սերունդներ են: Անչելոտիի հետ մենք ավելի շատ ազատություն ունեինք. կարող էինք մի փոքր ուշ գալ, չնայած նա զայրացած էր: Խաբին ավելի խիստ է, ավելի մեծ շեշտադրում է կատարում կարգապահության վրա», – Կարվախալի խոսքերն է փոխանցում Marca-ն:
Կառլո Անչելոտտին «Ռեալ Մադրիդից» հեռացել է գարնան վերջին: Նա թիմը ղեկավարում է 2021 թվականից: Իտալացի մասնագետի ղեկավարությամբ «սերուցքային» թիմը երկու անգամ հաղթել է Չեմպիոնների լիգան և երկու անգամ դարձել Իսպանիայի չեմպիոն:
Լա Լիգայի ընթացիկ խաղարկության երեք տուրից հետո «Ռեալ Մադրիդը» ինը միավորով զբաղեցնում է աղյուսակի առաջին հորիզոնականը:
