«Չելսիի» նորեկ Ալեխանդրո Գարնաչոն «Մանչեսթեր Յունայթեդից» լոնդոնյան ակումբ տեղափոխվելուց հետո իր առաջին հարցազրույցում նշել է, որ ինքը լիովին կհամապատասխանի թիմի հաղթողի մտածելակերպին։
Արգենտինացու գոլը 2024 թվականի Անգլիայի գավաթի եզրափակչում օգնեց «Մանչեսթեր Յունայթեդին» հաղթել «Մանչեսթեր Սիթիին» (2-1) և նվաճել գավաթը։
«Երբ հասնում ես եզրափակիչ, ուզում ես գոլեր խփել և գավաթ նվաճել։ Սա իմ մտածելակերպն է։ Ես հաղթողի մտածելակերպ ունեմ։
Ես կիրք և ուժեղ անհատականություն ունեմ։ Սա կատարյալ է այնպիսի ակումբի համար, ինչպիսին է «Չելսին», որը վերջերս նվաճեց Աշխարհի ակումբային առաջնությունը։
«Չելսին» այժմ գագաթնակետին է, և կարևոր է պայքարել ակումբի համար այնպես, ինչպես երկրպագուները արժանի են։
Ես դիտեցի Աշխարհի ակումբային առաջնությունը, և աշխարհի չեմպիոն դառնալը յուրահատուկ բան է: Դա նշանակում է, որ մենք աշխարհի լավագույն թիմն ենք», – Գարնաչոյի խոսքերն է մեջբերում «Չելսիի» մամուլի ծառայությունը։
