Հայաստանի ազգային հավաքականի նախկին դարպասապահ Ռոման Բերեզովսկին չի լինելու Հայաստանի ազգային հավաքականի նորանշանակ գլխավոր մարզիչ Եղիշե Մելիքյանի մարզչական շտաբում։ Այս մասին հայտնի դարձավ օգոստոսի 28-ին, երբ ՀՖՖ-ն հրապարակեց շտաբի կազմը։
«Հատուկ մեկնաբանելու բան չկա։ Այո, ես չեմ լինելու նոր մարզչական շտաբում։ Կարող եմ միայն մաղթել, որ թիմը առաջիկա խաղերում ցուցադրի լավ ֆուտբոլ և հասնի հաջողության», – ասել է Բերեզովսկին։
Հիշեցնենք, որ ԱԱ-2026-ի ընտրական փուլի շրջանակում Հայաստանի հավաքականը սեպտեմբերի 6-ին Երևանում կմրցի Պորտուգալիայի, իսկ սեպտեմբերի 9-ին՝ Իռլանդիայի ընտրանու հետ։
