Բրազիլացի Ռոդրիգոն չի լքի «Ռեալ Մադրիդը» ամառային տրանսֆերային պատուհանի ժամանակ, չնայած Անգլիայի Պրեմիեր լիգայի հետաքրքրությանը։
«Մանչեսթեր Սիթին» ցանկանում էր պայմանագիր կնքել խաղացողի հետ։ Marca-ի տվյալներով՝ Ռոդրիգոն որոշել է մնալ «Արքայական ակումբում» և պայքարել թիմի մեկնարկային կազմում տեղի համար։
Բրազիլացին «Լոս Բլանկոսի» կազմում կխաղա առնվազն մինչև հունվար։ Վինգերը միացել է իսպանական թիմին վեց տարի առաջ։ Ռոդրիգոյի պայմանագիրը «Ռեալ Մադրիդի» հետ լրանում է 2028 թվականի կեսերին։ Անցյալ մրցաշրջանում 24-ամյա բրազիլացին մասնակցել է Իսպանիայի առաջնության 30 խաղի։ Խաղացողը խփել է վեց գոլ և կատարել հինգ գոլային փոխանցում։
