Գերմանական Bild-ի տեղեկացմամբ՝ Լևերկուզենի «Բայերի» ղեկավարությունը մտադիր է վերանայել գլխավոր մարզիչ Էրիկ տեն Հագի դիրքերը ակումբում, եթե օգոստոսի 30-ին Բունդեսլիգայի երկրորդ տուրում կայանալիք «Վերդերի» հետ հանդիպումն անհաջող ավարտվի։
Լարվածությունը ակումբում աճում է․ ղեկավարությունը վստահ է, որ թիմի ներկայիս կազմը լիովին ունակ է պայքարելու առաջնության առաջատարների հետ։ Սպասվում է, որ տեն Հագի ապագայի շուրջ քննարկումները կարող են սրվել սեպտեմբերին՝ ազգային հավաքականների խաղերի ընդմիջման ժամանակ։
Հոլանդացի մասնագետը «Բայերի» գլխավոր մարզիչ դարձավ այս ամռանը, սակայն արդեն առաջին տուրում թիմը պարտություն կրեց «Հոֆենհայմից»՝ 1:2 հաշվով։ Այդ պատճառով «Վերդերի» դեմ առաջիկա խաղը մեծ նշանակություն ունի և կարող է որոշել նրա ապագան ակումբում։
