«Լիոնի» կենտրոնական հարձակվող Ժորժ Միկաուտաձեն կարող է շարունակել իր կարիերան «Վիլյառեալում», հայտնում է Foot Mercato-ն։
Աղբյուրի համաձայն՝ «Վիլյառեալը» պատրաստում է առաջարկ անել Վրաստանի հավաքականի 24-ամյա հարձակվողի համար։
Նշվում է, որ «դեղին սուզանավը» նախատեսում է «Լիոնին» առաջարկել 30 միլիոն եվրո։
Այս մրցաշրջանում Միկաուտաձեն խաղադաշտ է դուրս եկել Ֆրանսիայի առաջնության երկու խաղում և խփել մեկ գոլ։ Միկաուտաձեի ներկայիս պայմանագիրը «Լիոնի» հետ նախատեսված է մինչև 2028 թվականի հունիսը։
