«Արսենալի» հարձակվող Բուկայո Սական վնասվածքի պատճառով բաց կթողնի թիմի առաջիկա հանդիպումները։
Բուկայո Սական վնասվածք է ստացել Պրեմիեր Լիգայի 2-րդ տուրի «Լիդսի» դեմ խաղում (5-0) և փոխարինվել է երկրորդ խաղակեսի սկզբում։
BBC Sport-ի տվյալներով՝ 23-ամյա հարձակվողը ստիպված կլինի բաց թողնել մինչև չորս շաբաթ ազդրի վնասվածքի պատճառով։
«Արսենալը» չի կարողանա հույս դնել Սակայի վրա օգոստոսի 31-ին «Լիվերպուլի» դեմ խաղում։ Ֆուտբոլիստը նաև չի խաղա Անգլիայի հավաքականի կազմում սեպտեմբերին կայանալիք 2026 թվականի աշխարհի առաջնության որակավորման խաղերում՝ Անդորրայի և Սերբիայի դեմ։
