«Կրասնոդարի» ավագ և հարձակողական կիսապաշտպան Էդուարդ Սպերցյանը դարձել է ակումբի ռեկորդակիրը Ռուսաստանի Պրեմիեր լիգայում (ՌՊԼ) արդյունավետ գործողությունների՝ գոլ + գոլային փոխանցում՝ ընդհանուր թվով։

Ռեկորդը սահմանվել է «Կռիլյա Սովետովի» դեմ ընթացած 6-րդ տուրի խաղում, որտեղ «Կրասնոդարը» հաղթել է 6-0 հաշվով։ Սպերցյանը այդ խաղում խփել է մեկ գոլ և կատարել երեք գոլային փոխանցում։

25-ամյա ֆուտբոլիստի ՌՊԼ-ում անցկացրած 121 հանդիպման ընթացքում գրանցած արդյունքը կազմում է 44 գոլ և 28 գոլային փոխանցում։

Սպերցյանը «Կրասնոդարի» ակադեմիայի սան է, իսկ իր գործող պայմանագիրը ակումբի հետ ուժի մեջ է մինչև 2026 թվականի ամառ։ Transfermarkt-ի տվյալներով՝ նրա շուկայական արժեքը կազմում է 25 միլիոն եվրո։