Բրազիլացի վինգեր Վինիսիուս Ժունիորի կարգավիճակը «Ռեալ Մադրիդում» չի փոխվել՝ չնայած Կիլիան Մբապպեի ժամանմանը և բրազիլացու վերջին ամիսներին ցուցաբերած վատ մարզավիճակին։ Այս մասին հայտնում է Marca-ն։
Աղբյուրի համաձայն՝ «Լոս Բլանկոսի» գլխավոր մարզիչ Խաբի Ալոնսոն Վինիսիուսին համարում է իր թիմի հիմնական խաղացողը և մտադիր չի նրան հեռացնել մեկնարկային կազմից։ Միևնույն ժամանակ, իսպանացի մասնագետը ակնկալում է, որ 25-ամյա հարձակվողը կվերադառնա իր լավագույն մարզավիճակին։
Նշվում է, որ «Ռեալում» ավելի ու ավելի շատ մարդիկ սկսում են անհանգստանալ, որ Վինիսիուսը չի երկարաձգի ակումբի հետ պայմանագիրը։
Նախորդ մրցաշրջանում հարձակվողը մասնակցել է 58 խաղի բոլոր մրցաշարերում, որոնցում խփել է 22 գոլ և կատարել 19 գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ ուժի մեջ է մինչև 2027 թվականի ամառը։
Transfermarkt-ը ֆուտբոլիստի արժեքը գնահատում է 170 միլիոն եվրո։
